Dagfinn Helland er tildelt heidersmerke i gull!!

Etter årelang innsats for volleyballen er Dagfinn tildelt Norges volleyballforbunds heidersmerke i gull.
Dette er den høgaste utmerkelsen ein kan motta innan volleyballen og IL Sand gratulerer så mykje med vel fortent tildeling!

Dagfinn Helland er tildelt Norges volleyballforbund sitt gullmerke for årelang innsats for volleyballen, både lokalt, regionalt og nasjonalt!

Gullmerket er øvste heidersutmerkelsen ein kan motta innan volleyballen og utmerkelsen heng svært høgt!

NVBF skriv følgjande om heidersmerke i gull:

Hedersmerke i gull (uten krans) tildeles tillitsvalgte og enkeltpersoner på forbundsplan som har representert norsk volleyball med heder.

1. Hedersmerke i gull kan tildeles enkeltpersoner på forbundsplan, herunder også tillitsvalgte, ansatte, OL-utøvere, landslagstrenere, forbundsdommere som har dømt mer enn 200 kamper, samt personer som har nedlagt en særlig betydningsfull og uegennyttig innsats for norsk volleyball over en periode på mer enn 10 år.
2. Kandidater til hedersmerket i gull må gjennom sitt arbeid ha vist forankring og holdninger i samsvar med NVBFs verdier; samspill for alle, frivillighet, demokrati, lojalitet og likeverd. For å komme i betraktning må vedkommende ha nedlagt en utmerket og betydningsfull innsats som har satt spor etter seg nasjonalt.
3. Personen som får hedersmerke i gull får gullmerke og diplom. Beslutning om tildeling gjøres av NVBFs forbundsstyre og protokollføres etter at saken har vært forberedt og behandlet fortrolig. Generalsekretær beslutter sted og anledning for overrekkelse.

_____________________________________________________________________________________________________________________________________

Følgjande grunngjeving ligg til grunn for tildelinga:

Dagfinn har vore ein sentral person i volleyballmiljøet på Sand sidan 1994. Han har gjennom sitt engasjement bidrege til at volleyballsporten på mange måtar har blitt ein del av identiteten til sandsbuen. Men også volleyballspelarar langt utover strandstaden Sand, har nytt godt av Dagfinn og hans bankande hjarte for volleyballsporten. Både som klubbtrenar og kretstrenar har han flotte merittar å visa til; men også merittar som er langt viktigare – nemleg på det menneskelege plan. Som ein raus og inkluderande person har Dagfinn opna opp for rekruttering på tvers av kommunegrenser. Tidlegare spelarar uttrykkjer at det er vanskeleg å skildra betydninga Dagfinn har hatt for deira utvikling (på alle plan) med få ord. I 2006 vart Dagfinn heidra med Suldal kommune sin kulturpris for sitt engasjement for volleyball (og fotball).

Dagfinn har hatt både lokale-, regionale og nasjonale styreverv knytt til volleyball. Han er framleis leiar av IL Sand si volleyballgruppa og er opptatt av at trenarressursane idrettslaget har, skal nyttast ovanfor spelarane og ikkje til dei administrative oppgåve - «Så lenge det trengs, skal eg bidra» er signalet han gir. At han framleis brenn for utvikling og volleyballglede er det ingen tvil om!

Dagfinn har hatt sentrale roller i både planlegging og gjennomføring av nasjonale og internasjonale meisterskap. Han var også den personen som kopla NVBF si utlysing om volleyballgymnas med Sauda vidaregåande skule. Og det er vel ikkje mange i dette landet med eit bankande volleyballhjarte som ikkje veit kva TVN har betydd for utviklinga i både innandørs volleyball og sandvolleyball!

Tidlegare utøvar Ole Martin Helland skriv følgjande om Dagfinn:

«Det er vanskelig å beskrive med få ord kor mykje Dagfinn har betydd for volleyballmiljøet. Han stod på seint og tidlig, og som et enorm inkluderande og flott vesen stod han opp for absolutt alle. Som trenar for ungdomslaga fekk han fram det beste i alle, og alle gleda seg til trening og kamp med Dagfinn. Det resulterte i bl.a NM-gull for 17-åringer på heimebane. Og dei same ungdomane Dagfinn fostra opp, endte opp med å vinne fleire kretslags-NM, samt NM for vidaregåande skoler. Fleire spelte mange år eliteserie, samt på både junior- og seniorlandslag. Men Dagfinn var mest opptatt av å ta vare på alle. Han organiserte på julesamlingar, påskesamlingar, stilte med mat og drikke. Og me hadde utøvarar frå Sauda, som han tok ekstra godt vare på. Inviterte dei heim til seg som om det sko vore sine egne. Rett og slett fantastisk.»

______________________________________________________________________________________________________________________________________

IL Sand stiller seg applauderande bak grunngjevinga, me takker for all innsatsen du har lagt ned for klubben og idretten gjennom mange år og håpar me fortsatt kan dra nytte av ditt engasjement i mange år framover!

GRATULERA!!